27-01 2021 05:24
wrote:
*UPHUMULE*
Hamba kuhle qhawe lesizwe
Lanxa uhambe ngendlel'
Ehlabayo.
Lanxa uhamb' okwenkom'
Ebulawe __yisitilobho_
Okungenani,
Uphumule.
Wazinikela ngothando,
Wadel' imuli yakho qhawe,
Wadela ngitsho lempilo.
Kwath' abadalwa belomhlaba,
Kwath' abadalwa bengcono,
Bakuphimisa.
Akuhlangabez' amadloz' akoNkomo
Akunikez' umqhel' okhazimulayo.
Ngob' uyidlalil' indim' eqhuqhisayo.
Phumula qhawe lesizwe.
Lanxa ungembelw' emlindini.
Lanxa bengakufihl' ebhalwini
Kod' ubuqhawe bakho,
Bengekwemuke.
Laph' uhlangana loNkomo,
Umbon' uDabengwa loMasuku
Uz' ubabikel' okusemuva,
Ukuthi sikwelimagad' ahlabayo.
Uhambile lembali lesizwe.
Konk' okwakithi kuyafulathela.
Akulani qhawe lakithi
Uphumule.
Uzamile ukungaf' uthule njengemvu.
Wacacad' okuthile obukugodle,
Kwesakho.
Kod' okunengi uhambe lakho.
Ngiyazikhalel' ingane zikaMthwakazi.
Ziyoba yini na?
Ihambi mithunzi,
Seziyoxathulwa lilanga.
Lol' ubhubhane lunjani kanti?
Aluwaxekel' amaqhaw' aw' akithi
Lanxa emsul' okweqhwa.
Mina lo kangisazi.
Laph' umsebenzi ufeziwe.
Laph' injong' ibonakele.
Laph' inhlelo zihleleke zahleleka.
Ukufa kuyikuphumuza umzimba.
Phumula qhawe lesizwe,
Zephaniah Nkomo.
27-01 2021 05:24
wrote:
*UPHUMULE*
Hamba kuhle qhawe lesizwe
Lanxa uhambe ngendlel'
Ehlabayo.
Lanxa uhamb' okwenkom'
Ebulawe __yisitilobho_
Okungenani,
Uphumule.
Wazinikela ngothando,
Wadel' imuli yakho qhawe,
Wadela ngitsho lempilo.
Kwath' abadalwa belomhlaba,
Kwath' abadalwa bengcono,
Bakuphimisa.
Akuhlangabez' amadloz' akoNkomo
Akunikez' umqhel' okhazimulayo.
Ngob' uyidlalil' indim' eqhuqhisayo.
Phumula qhawe lesizwe.
Lanxa ungembelw' emlindini.
Lanxa bengakufihl' ebhalwini
Kod' ubuqhawe bakho,
Bengekwemuke.
Laph' uhlangana loNkomo,
Umbon' uDabengwa loMasuku
Uz' ubabikel' okusemuva,
Ukuthi sikwelimagad' ahlabayo.
Uhambile lembali lesizwe.
Konk' okwakithi kuyafulathela.
Akulani qhawe lakithi
Uphumule.
Uzamile ukungaf' uthule njengemvu.
Wacacad' okuthile obukugodle,
Kwesakho.
Kod' okunengi uhambe lakho.
Ngiyazikhalel' ingane zikaMthwakazi.
Ziyoba yini na?
Ihambi mithunzi,
Seziyoxathulwa lilanga.
Lol' ubhubhane lunjani kanti?
Aluwaxekel' amaqhaw' aw' akithi
Lanxa emsul' okweqhwa.
Mina lo kangisazi.
Laph' umsebenzi ufeziwe.
Laph' injong' ibonakele.
Laph' inhlelo zihleleke zahleleka.
Ukufa kuyikuphumuza umzimba.
Phumula qhawe lesizwe,
Zephaniah Nkomo.
